Судалгааны ажлын зорилго: Изониазид эмийн шалтгаант элэгний архаг үрэвслийн эмгэг загвар үүсгэх. Сүүлийн жилүүдэд манай орны нийт хүн амын дунд хоол боловсруулах эрхтэний өвчлөл хоёрдугаарт орж байгаа бөгөөд эмийн шалтгаант элэгний үрэвсэл нэмэгдэж байна. Мөн халдварт өвчний дунд сүреэгийн өвчлөл дээгүүр байна. Бид судалгааг туршилтын амьтанд Изониазид эмээр элэгний үрэвслийн эмгэг загвар үүсгэсэн ба тус бүрт 21 харх байхаар эрүүл, хяналтын (изониазид 50мг/кг) гэсэн 2 бүлэгт хувааж үзсэн. Шинжилгээнд биохимийн үзүүлэлт болон эдийн шинжилгээг 7, 14, 21 хоногт хийсэн. Судалгааны дүнд Изонизид эмийг уулгасан бүлгийн биохимийн шинжилгээнд 7 дах өдөр эрүүл бүлэгтэй харьцуулахад статистикийн ач холбогдол бүхий ялгаатай байсан. Мөн 21 дэх хоногт элэгний эс задарлын шинж илэрч байгаа нь статистик ач холбогдолтой дүн гарсан.